Hér kemur bjór nr tvö frá litla eld(brugg)húsinu mín nIcebrew.  Bjór þessi er sem fyrr bruggaður með ástandið á Íslandi efst í huga og þá sérstaklega "Oddson vandann".  Bjórinn er I.P.A og ólíkt First Icelandic Crisis Pale Ale þá er uppskriftin í þennan bjór smíðuð frá grunni í höfði Freys bruggmeistara.  Í glasi er þetta mattur amberlitaður bjór með þétta fallega froðu.  Í nefi eru heilmiklir amarillo humlar sem og malt og sætur ljúfur keimur sem minnir á mandarínur eða perur.  Í bragði er um bjór með góða fyllingur að ræða, Cara Pils maltið er hér í lykilhlutverki en einnig kemur Cara Crystal inn með fyllingur og karamellu keim.  Það er svo talverð beiskja í honum eins og I.P.A sæmir en mætti þó vera enn meiri.  Sætur ávaxtakeimur lurir svo í bakgrunni og minnir sem fyrr helst á mandarínur.  Já bara ansi vel lukkaður bjór sem líklega verður bruggaður aftur.