Ahh enn eitt undrið úr smiðju munkanna, þessir kallar vita sko hvað þeir eru að gera þegar að bjórnum kemur.  Reyndar er það svo sem ekki skrítið að bjór þeirra sé svona vandaður þar sem þetta var áður það eina sem þessir karlar máttu setja í sig í föstunni, þeir hafa því lagt sig alla fram við að gera þetta eins gott og mögulegt er.  Hið mikla alkóhól í þessum munkabjórum er líklega til að kallarnir geta auðveldlega flúið klausturlífið á (vín)andlegan hátt.  Dubbel þessi ilmar af sætu malti, eplum og sveskjum.  Sopinn liggur svo afar vel í munni, silkimjúkur eins og Tripelinn þeirra og með þrusu fyllingu.  Mikill bjór með kaffisnefil, eplum örlitlu sætu malti, rúsínum og gersvepp.  Fjarar svo út með ljúfum eftirkeim.  Alveg prima með sterkum ostum!