Bjór þessi kemur frá elsta brugghúsi veraldar sem enn er starfandi.  Með 1000 ára sögu sinni má nánast fullvissa sig um að gæðin ættu að vera í lagi.  Þeir hafa amk haft nægan tíma til að fullkomna bjórinn.  Eins og svo oft áður þá hófst saga Weihenstephan bjórsins í munkaklaustri þýskra Benediktusarmunka.  Bjórinn er hveitibjór og að mínu mati einn af þeim allra bestu.  Í nefi er þessi klassíski gerkeimur í bland við þroskaðan banana og ögn perur.  Í munni fer ekki eins mikið fyrir banananum en hann er mildur, gríðarlega ferskur eins og hveitibjór sæmir og dálítið kryddaður.  Bananar og perur eru vissulega til staðar.  Gríðarlega ferskur og ljúfur bjór sem fæst meira að segja á Íslandi