Nú er kominn nýr bjór í "eðallínu" Vífilfells.  Um er að ræða sömu línu og Víking Stout tilheyrir.  Hér er kominn svo kallaður Pils Organic sem hefur þá sérstöðu að vera bruggaður eftir lífrænt vottuðu framleiðsluferli og auðvitað úr lífrænt ræktuðu hráefni.  Stíllinn er Pilsner sem er svo sem ekkert ofsalega spennandi ef maður er bara að eltast við ölið (ale).  Bjórinn er hins vegar afar vandaður og fágaður.  Kristal tær, humlar og heytugga með ögn blómum í nefi.   Spriklandi gos, brakandi humlar, þægileg beiskja og meðal fylling í munni.  Bara afskaplega þægilegur og vel gerður pilsner.  Það eru vissulega margir pilsner bjórar fáanlegir hér á landi en enginn íslenskur lífrænt ræktaður bjór ef svo má segja.  Þetta er því frábær kostur vilji maður hugsa um jörðina sína og á sama tíma fá góðan lager með matnum eða stakan með snakkinu.