Loksins kom Carslberg með hinn rauða Tubba aftur á markað eftir miklar umræður og sáran söknuð. Nú er hann kominn aftur og menn halda vart vatni yfir því.  Þetta er annars fallegur bjór, rauður í glasi og dálítið elegant.  Þægilegur í munni, mildur með léttum sætum maltkeim og örlítilli beiskju og kannski ögn karamella ég veit ekki samt. En annars bara ágætur karl og ansi mildur og í raun voðalega lítið frábrugðinn Tuborg græna.  Ágætt eftirbragð með léttri beiskju en reyndar líka einhverjum fúkka humalkeim. Ég er nú frekar lítið fyrir Tuborg yfir höfuð  eins og menn vita og þessi bjór breytir þeirri skoðun minni ekkert.  Kom mér í raun á óvart hversu látlaus þessi bjór er.