Langþráður draumur orðinn að veruleika þegar ég smakkaði loksins þennan draumakarl frá besta brugghúsi veraldar mörg ár í röð.  Dreadnaught er 9.5% Imperial IPA af bestur gerð og ég verð að segja þetta smakk fer inn í bækurnar sem eitt af 3 bestu smakkupplifunum Bjórbókarinnar. Bjórinn er mattur með fallega froðu. Upp úr glasinu stígur dásamleg töfralykt full af þurrum sítrus humlum, hunangi, ferskjum, karamellu og sætu malti. Í munni er hann virkilega magnaður, eiginlega svo magnaður að lýsingar væru nánast móðgun.  Heilmikill samtvinnungur af humlum sem taka vel í.  Það er góður, fullkominn skrokkur með malttónum og karamellu í bakgrunni.  Laaaaangt og ofsalega notalegt og gott eftirbragð.  Já þrátt fyrir miklar væntingar og um 5 ára bið eftir að smakka þá fær þessi bjór mína bestu einkunn og ég skil vel afhverju Three Floyds er besta brugghús veraldar.