St. Feuillien hefur lengi verið einn af mínum uppáhalds köllum frá Belgíu og þar hefur páskaölið þeirra ekki verið nein undantekning.  Í ár virðist hins vegar eitthvað hafa klikkað hjá Friart köllunum því páskaölið er nánast ódrekkandi af flöskunni.  Já ég segi þetta með tárin í augunum og sé fram á ónýta páska í ár en svona er þetta bara.  Ég gaf bjórnum 3 sénsa og núna síðasta skiptið þá varð ég bara að hella bjórnum í vaskinn...aðgerð sem ég hef ekki gripið til nema í þrjú skipti frá upphafi smökkunarsögu minnar.  Af krana er þessi bjór afar góður og í anda hinna ljúfengu St Feuillien bjóra en af flösku erum við að tala um ramman brenndan bjór með allt of "dökku" bragði sem gæti verið kaffi samofið bökunarkakói.  Kemur bara alls ekki vel út.  Ég vil því benda mönnum á þetta hér og nú og ræð ykkur frá að kaupa þennan þetta árið.  
                                                                                                                                                       Mynd: St Feuillien Blond