Hér er á ferð þýskur lager af stílnum Mars/Oktoberfestbjór.  Hátíðarbjór þessi er borinn fram á hinni árlegu Oktoberfest hátíð í Þýskalndi og er oftast sá bjór sem er fyrstur tappaður af tunnunum þar og þar með opnar hátíðina.  Spaten brugghúsið er sögulegt brugghús því um miðja 19. öld var það fyrsta brugghúsið til að brugga lager sem þá var velkomin tilbreyting frá ölinu sem var þá það eina sem menn þekktu.  Lager sá var reyndar svartur en engu að síður lager.  Bjór þessi er afar bragðmikill og býður bragðlaukunum verðugt  verkefni.  Fylling er mjög góð og eftirbragð langt og þægilegt.  Ögn sætur hunangskeimur á tungu en snarpir "krispí" humlar koma samt vel inn á móti sætunni og "stabilisera" bragðið og svo finnst mér eins og ég finni ögn lopakeim. Alkóhólið er í efri kantinum en hæfir vel árstíðinni þar sem veður fer kólnandi.