Ég hef einu sinni áður smakkað bjór frá þessu bandaríska brugghúsi, sá hét Bigfoot Ale. Ég get nú ekki sagt að ég hafi verið ánægður með hann en ég held ég þurfi að gefa honum annan séns núna eftir að laukar hafa þroskast og allt það.  Þessi hér er amk gríðarlega góður.  Pale Ale sem þýðir að hann er dálítið í átt að IPA stílnum.  Í glasi kopar-litaður með létta froðu.  Í nefi ögn sætur keimur í bland við bitra Cascade humla og krydd og svo finn ég smá píputóbak? Í munni er bjórinn skemmtilega mjúkur og með mikla fyllingu.  Beiskur með þægilegum sætum blæ frá ristuðu maltinu.  Ögn sykraður eða karamella og svo sítrus beiska frá Cascade humlunum.  Mjög skemmtilegur bjór