Royal Red er nýr meðlimur Royal fjölskyldunnar og er tileinkaður sumrinu.  Þetta er ægifagur bjór, dimmrauður og tær með léttbleika froðu.  Í munni er hér ljúfur og mildur karl á ferð með ögn sætu á tungu.  Humlar og beiskja eru í lágmarki og fylling hæfileg.  Í bakgrunni má svo greina léttan sólberjatón. Já þetta er fínn "session" fyrir sumarið, þ.e.a.s bjór sem hægt er að drekka í miklu magni á skömmum tíma.  Hættir þó til að verða of mikið af því góða til lengdar og jafnvel væminn.  Annars er alltaf gaman þegar brugghús taka sig til og koma með nýjar vörur fyrir okkur að gæða okkur á og þetta var afar vel hepnað framtak.  Vona að þessi skili sér heim á klakkann en annars fæst hann í flestum verslunum hér í Danmörku.  Njótið vel!