Batemans er lítið fjölskyldubrugghús sem bruggað hefur bjór í Englandi síðan 1874.  Brugghúsið bruggar nokkrar mismunandi tegundir sem henta við mismunandi árstíðir.  Rosey Nosey er jólabjórinn þeirra.  Hann er fallega rósrauður eins og jólabjór sæmir með netta froðu sem þó hverfur snöggt. Mildur í nefi með sætum ávaxtakeim jafnvel rúsínur? Á tungu er Rosey Nosey mildur en bragðmikill, ögn hnetaður (nutty) og með brakandi humlum sem þó halda sig á mottunni en gefa þægilega beiskju. Sætt malt kemur inn í góðu jafnvægi við humla.  Mjög góð fylling og afskaplega gott og þægilegt eftirbragð þar sem m.a. má finna brenndar möndlur hmm?  Allt í allt mjög góður og þægilegur bjór sem á vel við jólasteikina.