Eg kippti þessum með frá New York í upphafi árs enda flaskan alveg ómótstæðileg, blá, stór og frá Rogue auðvitað. Um er að ræða svakalegan súkkulaði porter frá þessu frábæra ameríska örbrugghúsi.  Í nefi er heilmikið af súkkulaði, vanillu og ögn kaffi.  Í munni er þetta mikill bjór sem lætur ófriðlega.  Kaffi og súkkulaði í fullkomnu jafnvægi og svo er hann þægilega brenndur og með nettum humlum í bakgrunni.  Maður finnur aflið í þessum, í samsetningunni en vínandinn verður aldrei ofaná.  Gríðarlega ljúfur porter hér á ferð, eitthvað sem ég myndi klárlega sækjast eftir aftur á ferðum mínum
.
Mæli einnig með Rogue Ded Guy Ale og Rogue Hazelnut Brown Nectar frá sama brugghúsi.