Það hefur lengi staðið til að smakka þennan fræga stout sem á að vera ansi sérstakur.  Jú á kiddakvöldi laugardaginn 4.5.2008 var það loks að veruleika.  Í nefi má finna sætan keim með vanillu og sætum vínanda ásamt kaffi og malti.  Í munni er góð fylling, mikill sætur ávaxtakeimur og vanilla smá sem þó hverfur einhvernveginn og sopinn verður þurr á tungu og ögn bitur með brenndum keim.  Kaffi er til staðar sem og súkkulaði.  Dálítið dularfullt að eftirbragð er langt og einkennist af eplakeim.  Já en svona í heildina þá er um fínan stát að ræða en þó ekkert eitthvað sem ég er að missa mig yfir.  Fyrir stout unnendur þá er þessi bjór vel þess virði að prófa.