Port brewing er amerískt örbrugghús af bestu gerð.  Þeir eru duglegir að gera humlaða karla á borð við IPA og Imperial IPA.  Þessi er eins og nafnið bendir til um bruggaður fyrir humlahausa eins og þeir kalla okkur í Bandaríkjunum, "hop heads".  Um er að ræða humlaðan ofurkarl.  Fullt af sítrus, beiskju og furunálum í nefi.  Flott froða, mattur og fallegur í glasi og svo flókið og mikið bragð sem situr eftir.  Fullt af humlum og beiskju.  Sítrus, fura og fleira gott.  Það vantar þó nokkuð upp á þéttleikann sem ég nánast stóla á í þessum Imperial bjórum.  Beiskjan verður þannig nokkuð innantóm og yfirgnæfandi.  Já ég varð eiginlega ekki nægilega kátur með þennan bjór, annars er Port Brewing frábært brugghús en þessi var ekki að virka.  Samt góður IPA, ekki misskilja mig.