Port Brewing er bandarískt örbrugghús staðsett í San Diego og hóf bruggun í heimahúsi 1992.  Síðan þá hefur brugghúsið stækkað og bjórúrvalið með.  Þessi spennandi IPA er amerískur India Pale Ale eins og hann gerist bestur, búin til úr eins ferskum humlum og unt er.  Hann er einungis bruggaður einu sinni á ári eða um það leiti þegar humlauppskeran er tilbúin.  Bjórinn er fallegur í glasi, koparlitaður með prúðan froðuhaus.  Í nefi má finna sannindi þess að humlar eru hér í aðalhlutverki, ferskur grösugur og með dálitlum sykurkeim.  Í munni eru iðandi humlar með mikilli beiskju og miklum tærleika.  Greinilega Amarillo og Chinook.  Namm, svo er ljúft léttristað malt í bakgrunni og afar ljúfum eftirkeimnum.  Glæsilegur bjór