Port brewing gerir ansi magnaða bjóra.  Þessi er engin undantekning.  Framleiddur í takmörkuðu upplagi ár hvert til að fagna tilurð brugghússins.  Bjórinn er af gerðinni strong ale en ég vil meina að Imperila IPA sé einnig flott lýsing á stílnum.  Gríðarlega humlaður bjór.  Mattur og appelsínugulur í glasi með ofsalega fallegan froðuhaus.  Í nefi má finna furu og sítrus í miklu magni.  Humlar humlar humlar.  Í munni er hann flókinn og margslunginn með þéttan mikinn karakter og gríðarlega beiskur og notalegur.  Áfengið kemur hvergi fram, nema kannski sem þynnka daginn eftir.  Virkilega magnaður bjór fyrir þá sem hafa gaman af humlum.