Það er glæsileg flaska sem ÖB teflir hér fram með undir sjálfan páskabjór sinn.  Súkkulaði porter er það að þessu sinni.  Já súkkulaði er eitthvað sem við Íslendingar erum farnir að tengja ansi vel við páskahátíðarnar og því viðeigandi að koma því ofan í flösku líka.  Porter er reyndar ekki allra en það er aðdáunarvert að ÖB þorir að skapa alvöru bjór.  Súkkulaðið er nokkuð vel greinanlegt þannig að menn ættu alveg að prófa þennan sem kunna vel við súkkulaði og já kaffi einnig. Í nefi ögn reykur, smá súkkulaði.  Munnur, létt beiskja, dökkt súkkulaði í bakgrunni, ristað léttreykt súkkulaði maltið er áberandi.  Fylling góð og ljúft eftirbragð með blöndu að súkkulaði og espresso.  Sem porter er þetta mjög vel heppnaður bjór og kunni maður vel við stílinn þá er þessi bjór málið. Súkkulaðið kemur vel út.  Bjórinn passar vel við steikt nautakjöt og grillmat.  Svo má ekki gleyma ostunum og einnig góður einn og sér í stað kaffi eftir matinn t.d.