Bjór þessi er afsprengi samstarfs Kaffitárs og Ölvisholt Brugghúss.  Bjórinn er bruggaður að tilefni 20 ára afmælisárs Kaffitárs. Þetta er blanda rauðöls og uppáhellts kaffi frá Daterra í Braselíu.  Hmm gæti verið að nafnið sé þaðan komið....HM og Braselía?  En að dómnum, í nefi er dásamleg blanda af kaffi, humlum, súkkulaði og sætu píputóbaki.  Hann er rauður og fallegur í glasi með heldur litla froðu þó.  Heldur léttur í munn, bragðmikill en samt mildur.  Kaffitónninn er ráðandi í gegnum allan sopann, spriklandi humlar gefa meðal beiskju sem peppa bjórinn upp, sér í lagi í lokin og svo má finna snefil af dökku súkkulaði og jafnvel ööööörlitla vanillu.  Mjög skemmtilegur bjór og mikil synd að hann skuli ekki fást í ÁTVR.  Að svo stöddu fæst hann aðeins á tveim stöðum kaffitárs (Leifstöð og í Borgartúni).  Afskaplega skemmtilegt framtak smellpassar með t.d. brownies.