Nørrebro Bryghus er líklega það brugghús sem hefur komið mér hvað mest á óvart í gegnum tíðina.  Sérstaklega fyrir þær sakir að hingað til hefur danskt öl ekkert sérstaklega höfðað til mín. Brugghúsið bruggar um 15 bjórtegundir sem hægt er að fá á krana hjá þeim sjálfum þar sem maður getur sest niður í bjórstofu þeirra eða pantað sér borð í resturantnum. Hver einasti bjór sem ég hef smakkað hjá þeim er algjört hnossgæti.  Hægt er að fá 3 tegundir á flösku, þar á meðal besta bjór Danmerkur að mínu mati, sem og þennan jólabjór yfir hátíðarnar.  Bjór þessi er afar þægilgur í nefi og munni með ríkjandi negul og kanil sem kemur manni í rétta jólaskapið.  Þetta er dálítið humlaður bjór með þægilega beiskju og fyllingu. Já besti jólabjór Danmerkur er hér fundinn held ég.