Gult gult gult, já hér kemur sumarsmellur frá Nørrebro Bryghus. Rakst á þennan í hillum Bilka í dag og varð bara að kippa honum með...það er jú brostið á sumar og sól hér í Danmörku.  Þessi er alveg glænýr á flösku og vona ég að menn hér í Danmörku taki vel á móti honum.  Hvað er betra en ískaldur hveitibjór á heitum degi?.  Í glasi er þetta strágulur eða hvíleitur og mattur bjór með hnausþykka og myndarlega froðu.   Í nefi, lime og engifer kannski?  Í munni súr pínu, lime eða sítróna en dauf samt, biturleiki kemur nokkuð vel inn og gerir meiri bjór úr þessum karli.  Bjórinn er þó vel mildur, léttur og svalandi alveg eins og góður hveitibjór á að vera..