Bjór þessi er bruggaður til heiðurs ársins 2007 sem á víst að vera ár iðnvæðingarinnar. Bjórstíllinn kallast Californian Common sem er eins konar sambland af hinu eldra öli og lager en á tímum kæliörðuleika notuðu menn lager ger og brugguðu við hærri hita líkt og tíðkast með ölið.  Momme Dampøl er bruggað sem tilvísun í tilkomu gufuvélarinnar inn í bruggiðnaðinn og skipt var úr handbruggun yfir í iðnbruggun.  Í nefi er undarlegur keimur með brenndu malti og viðarkolum. Bjórinn er bragðmikill og mjúkur með góða fyllingu en bragðið er ekki alveg fyrir mig.  Dálítið bitur með brenndu malti og svo mjög reyktur, eiginleiki sema sem mér finnst bara ekki passa við bjór eða vökva yfir höfuð.  Reykt kjöt, eða viðarkol er eitthvað sem strax kemur í hugann...hver vill drekka slíkt?  En eflaust einhverjir þarna úti sem kunna að meta þetta.