Hér erum við með fallegan jólabjór af lagerstíl eða mars/oktoberfest bjór eins og Þjóðverjar kalla þennan stíl.  Þetta er kóklitaður bjór með froðu sem rétt lætur sjá sig en hverfur svo með öllu.  Í nefi má finna mikla humla og ögn brenndan sykur.  Þetta er mjög léttur karl og fyllir ekki skoltinn að fullu.  Af lager að vera þá er þetta ágætis upplifun en þetta er fjarri því að vera einhver snilld.  Bragðið er frekar einfalt og krefst ekki mikillar vinnu af bragðlaukanna hálfu en það þarf þó ekki að túlka sem neikvæða umsögn.  Í heild þá er þetta bara hinn ágætasti bjór sem væri líklega mjög fínn með jólaskinkunni eða hamborgarhrygg. Má samt alls ekki vera flatari.  Þetta er annar bjórinn sem ég smakka frá þessu ágæta brugghúsi, hinn heitir WEISSER HIRSCH og er hinn ágætasti hveitikall.

ATH ÞESSI BJÓR VAR Í BOÐI MAGGA OG RÖGNU!  TAKK FYRIR FRAMLAGIÐ