Hér er ég að smakka minn þriðja Mikkeller bjór reyndar var ég búinn að smakka áður jólabjórinn þeirra en náði nú aldrei að hripa neitt niður.  Þessi bjór er dökk brúnn í glasi með skammífa froðu.  Í nefi má finna súkkulaði og mikið malt.  Þetta er svo ansi mildur og mjúkur bjór með þægilega tóna.  Ristað malt er áberandi sem gefur ákveðna sætu en einnig dálítið brenndan keim sem minnir á kaffi.  Humlar koma einnig vel út og skapa gott jafnvægi og gefa þægilegan biturleika og gæðir bjórinn lífi.  Eftirbragð er svo með ágætum og læðist að manni smá dökkt súkkulaði í restina sem kemur skemmtilega inn í næsta sopa ef maður hefur stutt á milli þeirra. Já þetta er hinn ágætasti bjór sem ég gæti vel hugsað mér að kippa með í innkaupakörfuna aftur. Eftir að hafa smakkað alla fastabjóra Mikkellers þá held ég að sigurvegarinn í þeim hópi sé samt Mikkellers IPA.  Eftir þessa úttekt mína á Mikkellers þá verð ég samt að segja að Nørrebro Brygeri stendur enn uppúr af dönskum brugghúsum.