Mikkeller eru þekktir fyrir að fara ótroðnar slóðir í bjórmálum.  Hér eru þeir komnir með stout sem er mjög sérstakur.  Í bjórinn eru notaðar víetnamskar kaffibaunir (Ca Pe Chon) sem er dýrasta kaffi á jörðinni.  Baunirnar eru unnar úr saur úr einhverju suðuramerísku dýri, greifingja eða álíka.  Dýrin borða aðeins bestu og þroskuðustu kaffibaunirnar.  Já en bjórinn er rosalegur, silkimjúkur með gríðarlegan skrokk.  Kaffið er áberandi, og svo má finna súkkulaði í hárréttu magni ásamt brenndu malti.  Biturleika er stillt í hóf en annað má segja um áfengismagn.  10.6%, já en það kemur nánast ekkert fram í bragðinu, bara sem unaðslegur ylur um allan skrokkinn.  Já gríðarlega vel lukkaður bjór,  spurningin er svo bara hvort hann hafði ekki líka orðið góður með venjulegu kaffi og þá ódýrari?  Hmm hver veit.