Santas Little Helper 2007 er einn af tveimur jólabjórum frá meistörum Mikkeller í ár.  Í fyrra kom þessi bjór líka út hjá þeim en var þá ekki alveg eins og bjór gerist bestur að þessu sinni er hins vegar annað upp á teningnum. Hér er á ferð mikill bjór með heilmikið bragð sem ræðst á lauka og vit.  Get ekki annað sagt að hér sé bara einn merkilegasti jólabjór Danmerkur á ferð.  Mikil sæta í nefi sem ég á erfitt með að skilgreina.  Í munni má nefna sætt malt og humla sem tvinnast saman í merkilega heild með einhverjum sætum keim af lakkrís, púðursykri og svo er einhver undarlegur appelsínubarkarkeimur. Veit ekki þessi bjór kemur mér bara gjörsamlega í opna skjöldu.  Já það er svo alveg óhætt að mæla með þessum til jóla og með fallegum jólaborða gæti þessi bjór vel gengið sem hin fínasta jólagjöf.  Bjórklúbburinn Kiddi gefur þessum bjór auk þess bestu meðmæli sín.