Hér lenti ég á bjór sem hefði getiað verið mögnuð upplifun.  Þessi bjór er bruggaður í Belgíu nánar tiltekið í brugghúsi er  kallast De Proef Brouwerij, Lochristi-Hijfte. Eins og glöggir menn geta getið sér til um þá er þessi bjór bruggaður í anda belgísks bruggs.  Bjórinn er þeldökkur í glasi og mikil og flókin lykt dansar upp úr glasinu.  Hins vegar varð ég fyrir ögn vonbrygðum með bragð. Jú jú það má finna hið einstaka belgíska yfirbragð og flókinn er hann með eindæmum en það er bara aðeins of mikið af því góða.  Alkóhólið skín of mikið í gegn og bragð verður of þrúgandi fyrir minn smekk.  Hef þó grun um að margir verði mér ósammála hér.  Það helsta sem má telja upp í bragði eru þurrkaðir ávextir, sveskjur, og ger en einnig eitthvað dálitið brennt og sterkt...jafnvel lakkrís eða álíka.  Datt líka í hug Brenni..gamla góða salgætið sem maður fékk sér stundum á Íslandi hér á árum áður.  Ég verð samt að prófa þennan karl aftur við tækifæri.