Þetta er eitt af þessum undrum í bjórheiminum, afurð sængurfara tveggja bestu bruggara veraldar (sjá nánar hér).  Snúum okkur að bjórnum, í glasi er hann fagurrauður með þykka flotta froðu.  Um leið og ég opnaði flöskuna fylltist stofan af unaðslegum angan.  Þar má finna súkkulaði, vanillu og sætt svart malt og jafnvel sætan lakkrís ummm.  Lyktin er einhvern vegin alveg í takt við miðan..erfitt að útskýra.  Bragðið er svo magnað, lendir á bragðlaukum eins og flóðbylgja með gríðarlega flókið og magnað bragð.  Brennt malt, sykur, sæta, dökkt súkkulaði og humlar sem passa fullkomlega við og skapa jafnvægi sem hallast ögn í átt að humlunum og gera bjórinn þægilega beiskann. Áfengið gerir svo sitt, mikill hiti og unaður streymir um allan líkamann án þess að gefa áfengisbragð. Maltið gefur dásamlega fyllingu og mýkt og svo  laangt eftirbragð með ögn kaffi, súkkulaði og smá beiskju.  Já þegar maður hefur prófað þennan ofurbjór skilur maður nákvæmlega af hverju feður hans eru titlaðir bestu bruggarar veraldar!