Eins og sannur Mikkeller bjór þá er þessi mikill í munni, heilmikið malt, og sætur vínkeimur í nefi.  Bruggaður í samvinnu með Brew Dog brewery. Sætur og dálítið um áfengi sem reyndar tekur aðeins of mikið í.  Sætt dularfullt malt í bakgrunni sem teygir sig út í langt og ljúft eftirbragð. Það er þó eitthvað við þennan sem truflar mig ég veit ekki alveg hvað það er.  Fyrst þegar ég smakkaði hann gaf ég honum 4.5 krúsir, en núna myndi ég ekki fara ofar en 3.5 þannig að ég ætla að fara milliveginn og setja 4 krúsir á þennan.  Öflugur mikill barley vine sem drekka þarf hægt og rólega í góðu jafnvægi með opinn hug. Áfengi er heldur áberandi fyrir minn smekk, myndi frekar mæla með Mikkeller Big Worse sem einnig er barley wine.