Brauhaus Lüdde er geysilega skemmtilegur bruggpöbb í Quedlinburg og afar notalegt að eyða þar kvöldstund.  Bjórinn á staðnum er hins vegar ekkert náttúruundur og kannski heldur langt að fara alla leið til Quedlinburg einungis fyrir þennan bjór.  Pilsenerinn þeirra er samt ágætur.  Í nefi eru miklir humlar og í munni pakkar hann ágætis fyllingu og með létta kolsýru.  Þetta er snarpur og vel humlaður bjór með létt og ljúft eftirbragð sem varir skammt.  Í útliti er hann nokkuð hveitibjórslegur því hann er ansi gruggugur en hér er eftir sem áður um alvöru pilsener að ræða.