Stundum er talað um að ávaxtabjór sé konubjor, vissulega skil ég hvað átt er við hins vegar viðurkenni ég að mér finnast ávaxtabjórar oft ansi góðir. Varla neitt annað betra en ískaldur ferskur ávaxtabjór á heitum sumardegi einn og sér eða sem glæsilegur fordrykkur.  Þessir bjórar eru stundum of væmnir hins vegar og þá er ekki gaman.  Liefmans er hins vegar þekkt fyrir mjög vandaðan ávaxtabjór. Í  Fruitesse er notuð ýmis ber, jarðaber, kirsuber, hindber ofl. Bjórinn er látinn þroskast í 18 mánuði á ferskum kirsuberjum í kjöllurum Liefmans. Bjórnn Dísætur í nefi með ávöxtum og þá helst jarðaberjum og ögn sítrus.  I munni gríðarlega léttur og ferskur.  Mikið gos, slatti af kirsuberjum og jarðaberjum.  Engir humlar í bragði en ögn sætt malt.  Svo er snefill af súrum keim.  Létt fylling og stutt eftirbragð.  Virkilega ljúffengur bjór sem maður getur ekki drukkið of mikið af.  Ef tala á um konubjór þá er þetta mjög gott dæmi.