Liefmans Abdis er nýr bjór frá brugghúsinu sem betur er þekkt fyrir bjóra byggðan á lambic grunni.  Abdis er einn af þremur klausturbjórum frá Liefmans og er þetta í held fín lína.  Þessi er þó sístur af þeim þrem.  Í nefi er lítil lykt með þurkuðum ávöxtum.  Hann er léttur í munn með litla fyllingur en vel kolsýrður.  Látlaust bragð með léttu frútti og sætu malti engu að síður má finna ögn þurrkaða ávexti á borð við rúsínur.  Í rauninni er þetta þó furðulega daufur og einfaldur bjór miðað við bræður hans tipelinn og blondinn.   Allt í lagi að smakka og allt það en maður kaupir frekar Westmalle dubbel eða bara gamla góða Leffe brune.