 Þessi er dálítið sérkennilegur, um er að ræða belgískan
jólabjór sem bruggaður er fyrir íslenskan markað og fær það
skemmtilega nafn Leppalúði. Vonum að Gríla komi á næsta
ári. Bjórinn er af allt öðrum toga en það sem við eigum
að venjast heima á Íslandi úr röðum jólabjóra. Þetta er
fallegur bjór með mikla flotta froðu. Í nefi eru sætir tónar
og mandarínur sem er nú jólalegt. Í munni er mikið
bragð, ávextir af suðrænum toga, lítil beiskja og sætur
brenndur sykur. Það er eitthvað skrítið aukabragð sem ég
átta mig ekki alveg á en það truflar mig dálítið, fúkkabragð? Fylling er
mjög góð í þessum og eftirbragð notalegt með þægilegri sætu.
Áfengið er ekki merkjanlegt í bragði. Já virkilega fínn
bjór og góð tilbreyting frá hinum annars látlausu íslensku
jólalagerum. |
Belgía
