Leffe 9 er nýr meðlimur Leffe fjölskydunnar sem hingað til hefur talið 4 tegundir, Leffe Blond, Leffe Bruin, Leffe Triple og Leffe Radious.  Allt eru þetta miklir og góðir bjórar hver með sinn karakter og stíl.  Leffe 9 er því kærkomin viðbót.  Þetta er fallegur bjór með koparblæ í glasi og létta netta froðu.  Í nefi kryddaður, frúttaður en einnig ögn alkóhól.  Í munni kraftmikill með gríðarlega ríkjandi "leffe keim".  Já ég veit ekki hvað skal segja en mér finnst ekkert nýtt í þessum karli, hann bragðast í raun eins og Leffe Blond nema hvað að alkóhólið er ögn meira áberandi og hann er ekki eins sætur á tungu.  Fylling er þó góð og eftirbragð voða notalegt! Já leiðinlegt er að segja það en sem tripel þá er þessi karl ekki að standa sig.