Áður fyrr voru Quadrupel bjórarnir frá Koningshoeven stundum látnir þroskast í viðartunnum af ýmsum toga, allt upp í 12 mánuði.  Það fór svo eftir hvaða viður tunnurnar voru gerðar úr hvernig áhrif þær höfðu á bragð bjórsins.  Þessi hefð hefur í gegnum árana rás dottið uppfyrir en nú árið 2010 ákváðu þeir hjá Koningshoeven  að láta aftur á þetta reyna og nota eikartunnu til verksins.  Bjór  þessi geymist svo mjög vel og hentar því til margra ára geymsu á flöskum.  Það er alltaf gaman að sjá hvernig slíkur bjór breytist með tímanum.  Bjórinn er dökkur í glasi með ágætis froðuhaus.  Það er mikill eikarkeimur í nefi og mandarína?  Í munni er góð fylling og mjög flókin sopi.  Mildur, sætir tónar en það vottar einnig fyrir vínandanum.  Einnig má finna ristað dökkt malt, vanillu og eik.