Þessi flotti karl fæst á mjög góðu verði í Vínbúðinni. Um er að ræða flottan bock frá hinu hollenska Trappist brugghúsi De Koningshoeven.  Brugghúsið er líklega þekktara fyrir bruggun á Trappist bjór í anda belgísku klausturbjóranna. Bjór þessi er fallegur í glasi með myndarlega froðu. Mikil ljúf lykt er af honum þar sem greina má sætt malt í aðalhlutverki ásamt þurkuðum ávöxtum.  Í munni er mikið að gerast, heilmikið ristað malt og nokkur sæta. Humlar eru fjarverandi nánast með öllu.  Sopinn liggur vel, nokkuð góð fylling er í honum og hann endist lengi með ljúfu möltuðu eftirbragði.  Fyrir þá sem kunna vel við bock stílinn þá er þetta góð viðbót.  Hins vegar er ég persónulega lítið fyrir þennan stíl og kemur það því fram í einkunn hér að neðan.