Hvernig fara menn eiginlega að þessu?
Ég sit hérna hálf gáttaður yfir því hvernig hægt sé að sjóða
saman annan eins undramjöð og La Chouffe svo s annarlega er.
Í þessari litlu flösku sem lætur ekki mikið yfir sér er að
finna líklega það næsta sem maður kemst að tilgangi lífsins.
Já ég segi það bara og þori alveg að endurtaka það.
Þunglyndir verða kátir og kátir manískir þegar tappinn fíkur
af þessum kalli. Nánast dansandi upp úr flöskunni mætir
manni ögrandi sætur og hressandi ilmurinn sem nánast
vanhelgar bragðlaukana. Í munni liggur sopinn svo vel að
það fer um mann af kæti. Fullur er hann með eindæmum og
í bragði má finna sæta ávexti á borð við perur eða apríkósur
sem og kandís og svo perubrjóstsykur. Já fullkomin
hamingja hér á ferð! |
Belgía
