Eldri fréttir
 

Óli kemur 11.9.2008 - Já Jói er nýkominn og farinn aftur.  Það var gaman að fá karlinn aftur á danska grund.  Nú er svo Óli væntanlegur en sá skratti kemur 25.9. og verður til 28.9.  Það verður því tekið dálítið á því 26.9 þar sem Óli þarf að komast yfir ansi marga nýja spennandi bjóra.  En eins og margur veit er Óli einn virkasti meðlimur Kidda í bjórsmökkun.
---------------------------------------------------------------------------------------------------------------

Með betri lagerbjórum 11.9.2008 - Ég smakkaði um daginn frábæran bjór frá brugghúsinu Skovlyst sem er afskaplega spennandi örbrugghús á Sjálandi.  Bjórinn heitir Skovlyst Birke Bryg og skipar sér í raðir bestu lagerbjóra sem Bjórbókin hefur smakkað.  Nú fæst þessi karl í Bilka en einnig á krana á SigFreds. Þeir gera einnig besta IPA í heimi.

---------------------------------------------------------------------------------------------------------------

Nørrebro Bryghus á Íslandi 12.6.2008 - Ekki alveg en nálægt því, já því í júlí mun koma á markað nýr bjór frá nýju brugghúsi sem kallast Ölgerð Reykjavíkur.  Bjórinn mun heita Gullfoss.  Það sem er það besta við þetta er að bruggmeistarinn þeirra er enginn annar en Anders Kissmeyer sem er heilinn á bak við hið stórbrotna brugghús Nørrebro Bryghus .  Já þetta eru magnaðar fréttir.  Ég hlakka mikið til að smakka og ég veit að Eiki verður spenntur!
---------------------------------------------------------------------------------------------------------------

Nýr á flösku 6.5.2008 - Nú er heldur betur komið sumar því hið stórbrotna brugghús Nørrebro Bryghus hefur tappað nýjum bjór á flöskur.  Reyndar ekki um nýjan bjór að ræða en sem fyrr segir nýr á flöskum. Stuykman Witt heitir karlinn og er svalandi hveitibjór af belgískum toga. Kauði fæst nú í t.d. Bilka, líklega víðar.  Gleðilegt sumar!
---------------------------------------------------------------------------------------------------------------

Vel lukkað smakkvöld 4.5.2008 - Hið ameríska smakkkvöld Kidda gekk með eindæmum vel.  Smakkaðir voru 5 bjórar og spilað póker með.  Mjög gaman.  Hér má sjá ögn nánar um þennan viðburð og jafnvel detta inn myndir hérna innan tíðar! -Nána!
 
---------------------------------------------------------------------------------------------------------------

Íslenskur STOUT! 28.4.2008 - Já nú eru hlutirnir farnir að rúlla á klakanum.  Nú kemur nefnilega á markað þann 2. maí fyrsti íslenski státinn.  Það er Vífilfell sem sér um að brugga herlegheitin.  Þetta eru stórar fréttir fyrir bjórunnendur á Íslandi.  Nú er það nánast skylda okkar meðlima Kidda að hópast í 'ATVR 2. maí og prófa þennan spennandi drykk!
---------------------------------------------------------------------------------------------------------------

Kiddi frægur á Íslandi! 26.4.2008 - Já núna þekkir hvert íslenska mannsbarn hið framúrskarandi bjórmenningarfélag Kidda því um daginn var Bjórbókin valin vefsíða vikunnar í Morgunblaðinu okkar íslenska.  Í meðfylgjandi grein fær svo Kiddi dálitla athygli.  Já þetta er allt að gerast.. Hér má lesa greinina!
---------------------------------------------------------------------------------------------------------------

Nørrebro Påske á 5 kr! 2.4.2008 - Ég bara verð að nefna þetta við ykkur, fyrir þá sem staddir eru í DK.  Nørrebro Bryghus er nánast að gefa bjórinn sinn í dag, já því þeir vilja losna við páskabjórinn úr hillunum og selja hann því á 5 kr danskar.  Hægt er að nálgast þetta tilboð t.d. í Føtex og Kvikly.  Um að gera að drífa sig strax í dag!  HEHEH APRÍL GABB!
---------------------------------------------------------------------------------------------------------------
Besti íslenski bjórinn. 14.3.2008 - Ég vildi bara benda hinum íslenska arm Kidda á að Skjálfti hinn nýji íslenski "sælkerabjór" er bara ansi fínn karl.  Já miðað við að vera lager og íslenskur þá er þetta eiginlega bara algjör snilld.  Léttur og mildur en þó með smá karakter og humla.  Nánar
---------------------------------------------------------------------------------------------------------------
Skjálftinn er kominn. 1.3.2008 - Já á sjálfum bjórdeginum kemur nýr bjór á markað á íslandi.  Bjór þessi er skjálfti heitir ku vera ansi skemmtilegur bjór og er í raun uppseldur um þessar mundir.  Vonandi kemur nýr skammtur innan tíðar þannig að íslenskir Kiddar geti bragðað á sem fyrst.  Nánar
---------------------------------------------------------------------------------------------------------------
Kiddi í Köben. 1.3.2008 - Kiddi skellti sér til Köben í gær eins og flestir vita til að taka út hið stórkostlega brugghús Nørrebro Brughus. Ferðin lukkaðist bara ansi vel, þrátt fyrir eina stöðumælasekt eða svo.  Nánari upplýsingar síðar.
---------------------------------------------------------------------------------------------------------------
Kings County Brown. 29.2.2008 - Náði loks í skottið á þessum nýja flöskubjór frá Nørrebro Brughus.  Karlinn fæst núna í Kvikly við Viborgvej ásamt fleirum góðum.  Þetta er bara alveg ljómandi góður bjór bruggaður eftir bjórstíl sem kallast Amerískur Brown Ale. Nánar
---------------------------------------------------------------------------------------------------------------
Kiddi does Köben. Jamms þann 29.2.2008 munu nokkrir vel valdir Kiddar skella sér í vísindaferð til Köben og taka út hið undurfagra og dásamlega brugghús Nørrebro Brughus sem einfaldlega er eitt besta brugghús danmerkur. Ferðinni verður gerð nánari skil síðar. Nánar
---------------------------------------------------------------------------------------------------------------
10.2.08 Bjórfestival. Já núna í Maí þá mun verða haldin bjórhátíð hér í Árósum.  Þar verða ýmis dönsk örbrugghús með bjór sinn sem og innfluttur bjór.  Bara bjór og almenn gleði og Kiddinn á staðnum?  Hvurnig væri það nú?  Nánar
---------------------------------------------------------------------------------------------------------------
01.2.08 Þorra Kaldi. Eitthvað fyrir hinn íslenska anga Kidda.  Bruggsmiðjan á Árskógssandi hefur bruggað bjór í tilefni Þorrans sem senn gengur í garð.  Þorra Kaldi ku vera hinn ágætasti pilsner með örðuvísi blæ.  Sjálfur hef ég reyndar ekki smakkað karlinn enda staddur í DK.  En ég hvet Kidda á Íslandi til að smakka kauða og miðla svo reynslu sinni.
---------------------------------------------------------------------------------------------------------------
30.1.08 Porterinn frá Nørrebro fundinn. Já nú loksins eftir dálitla leit tókst mér að hafa uppá þessum "nýja" flöskubjór frá þeim snillingum í Nørrebro Bryghus.  Bjórinn heitir Skärgaards Porter og fæst í Løvbjerg eða hvað hún nú heitir þessi verslun.  Ég hvet Kidda sem og aðra og kannski sér í lagi Abba og Vigfús að tékka á honum.
---------------------------------------------------------------------------------------------------------------
Óli og Freysi skoða GB brugghúsið. Í tilefni þess að nú líður senn að því að fyrsti íslenski "GB" bjórinn komi á markað á klakanum ákvað Bjórbókin, ásamt einum virkasta meðlim Bjórmenningarfélags Kidda um þessar mundir, Óla Helga að kanna nánar GB línuna . Smakkið fór fram 24.01.2008.  Meira um þetta!.
---------------------------------------------------------------------------------------------------------------
Nørrebro Bryghus til Århus. Já þið lásuð rétt, þetta stórkostlega brugghús hefur stór plön um að opna útibú í Árósum sem er jú höfuðstaður Bjórmenningarfélags Kidda.  Þetta frábæra brugghús skapar bjór eins og hann gerist bestur og ekkert lítið af honum því bjórlisti þeirra telur hátt í 15 mism. tegundir.  Stórkostleg tíðindi!  Nánar um brugghúsið.
---------------------------------------------------------------------------------------------------------------
Jól hjá Kiddanum okkar. Já jólakiddi árið 2007 var haldinn núna um helgina á Freysastöðum.  Þetta var sögulegur Kiddi því aldrei hafa eins fáir Kiddar mætt (vorum 3) og svo buðum við konu með í fyrsta sinn.  Já Sigrún fékk að fljóta með og reyndar nágranni okkar Bjarne.  Smakkaðir voru 5 bjórar að þessu sinni og allir voru þeir með eindæmum ljúffengir. Nánar
---------------------------------------------------------------------------------------------------------------
Kiddi komin á spjöld sögunnar. Jæja loksins kom að því, Kiddi er kominn á blað.  100 bjórar eru skráðir á gullplatta á vegg bjórbúllunnar Øl Molevitten.  Aldrei aftur verður efast um getu Kidda í bjórmálum, nei 100 mismunandi bjórar á örfáum dögum.  Það verður eiginlega að halda smá Kidda kvöld til að fagna þessum áfanga e'ða hva'ð?  Sjáum til hvað gerist. Nánar
---------------------------------------------------------------------------------------------------------------
Gott úrval bjórglasa. Ég vildi bara láta menn vita að í Kvikly hérna við Viborgvej má nú finna nokkuð gott glasaúrval.  Þar má m.a. nefna stóra Hoegaarden glasið, Leffe glös, St Feuillien, Westmalle, Grottenbier og svo ýmis önnur m.a. frá eitthvað af þessum dönsku brugghúsum svo sem Brockhouse.
---------------------------------------------------------------------------------------------------------------
Ølfestival í Aarhus Bryghus? Nú í þessari viku (festuge) verður haldin bjórhátíð í einu af brugghúsum bæjarins Aarhus Bryghus sem sumir Kiddar þekkja nú orðið vel .  Mér datt í hug hvort einhver áhugi væri meðal Kidda að skella sér á þessa hátí'ð t.d. næsta föstudag eða laugardag?  Það kostar litlar 75 kr aðgangurinn og svo eitthvað aukalega fyrir hvert smakk en þarna mun víst vera bjór til smökkunar  frá öllum helstu örbrugghúsum svæðisins sem og innfluttur bjór . Svar óskast via email. Nánar
---------------------------------------------------------------------------------------------------------------
Kiddi í borg óttans! Kiddi brá undir sig fæti núna föstudaginn 31. maí 2007 og kíkti til Álaborgar, borg óttans þar sem menn og gamlar konur eru stungnar niður við hvert tækifæri.  Markmið ferðarinnar var að skoða hinn langþráða bar "The Warf" sem lumir á 26 bjórum á krana og einhvern slatta á tunnum "kask ale".  5 Kiddar fóru og allir komu þeir aftur með bros á vör og sumir meira brosandi en aðrir. Nánar
---------------------------------------------------------------------------------------------------------------
Rauður snýr aftur! Það var eitt sinn til bjór frá Tuborg sem bar rauðan miða.  Bjór þessi þótti greinilega góður á sínum tíma því þegar hann hvarf af markaði fóru Danir að skæla og þótti að sér vegið.  Carsberg hefur því ákveðið að setja rauða Tubbann aftur á markað.  Hér er hann nú kominn og ég verð að segja hann olli mér persónulega miklum vonbrigðum.  Já eftir alllt þetta væl þá bjóst ég við betri bjór.  Þetta er engu að síður fínn bjór af Tuborg að vera. Nánar
---------------------------------------------------------------------------------------------------------------
Nýr bjór frá Ceres! Þeir eru duglegir hjá Ceres að koma með nýjungar. Í fyrra var það Ceres Weiss og árið þar áður Ceres Royal Red. Að þessu sinni er það Ceres Royal Brown Ale sem bruggaður er í anda ensks brúnöl. Þetta er ansi vel lukkaður bjór, mildur en þó bragðmikill og hressandi. Samt sem áður góð "dönsk" útgáfa af þessum stíl og óhætt er að mæla með honum.
---------------------------------------------------------------------------------------------------------------
Hræðilegar fréttir!  Þær sorgarfréttir berast nú frá RisRas að þar fæst ekki lengur besti kranabjór veraldar, St Feuillien.  Já RisRas menn gefa enga skýringu á þessu, segja þetta hafa með innflytjandan að gera.  Þetta er hræðileg ástand.  Bjórbókin mun fara á stúfana og leita að stað sem hefur þennan bjór á krana...það verður að takast því að öðrum kosti verður ólíft í bæ þessum. 
---------------------------------------------------------------------------------------------------------------
Kiddi í Gull!  Þann 23.3.2007 fór harðasti angi Kidda á Øl Molevitten og kláraði hið mikilvæga verkefni sem Kiddi hóf í september 2006.  Við vorum 5 Kiddar og 17 bjórar sem þurfti að klára.  Þetta hafðist nokkuð léttilega og því gull platta að vænta innan þriggja vikna eða svo. Já Kiddi er kominn á spjöld sögunnar. Nánar
---------------------------------------------------------------------------------------------------------------
Westmalle á góðum prís.  Ég vildi benda mönnum á að í gær 22.3.07 rakst ég á Westmalle í Magasin á fínu verði.  Þar er nú hægt að fá tvær 33 cl flöskur á 36 kr og maður velur hvort maður vill Westmalle Dubbel, Westmalle Tripel eða blanda þeim saman.  Westmalle er annars með betri bjórum og er alvöru munkabjór eða s.s. Trapist.
---------------------------------------------------------------------------------------------------------------
Gullplattinn senn í höfn.  Á morgun 23.3.07 munum við loksins klára það sem við hófum fyrir þó nokkru síðan.  Jamms við munum mæta á Øl Molevitten og sulla í okkur þessa 17 bjóra sem eftir eru. Þegar því er lokið erum við komnir með 100 mismunandi bjóra sem þýðir gull platti á vegg.  Nánari upplýsingar koma innan tíðar!
---------------------------------------------------------------------------------------------------------------
100 bjórar á Øl Molevitten er enn takmark okkar í Kidda.  Fyrirhuguð er ferð á þennan ágæta stað til að klára þá 17 bjóra sem eftir eru.  Staður er ákveðinn en stund er vandamálið.  Vonandi verður þetta gert innan tíðar svo við fáum gull platta á vegg.
---------------------------------------------------------------------------------------------------------------
Nørrebro Påske! Ég vil endilega benda mönnum á að nú fara páskabjórarnir að detta inn í hillur verslanna.  Þar á meðal má finna þennan fína karl frá Nørrebro Bryghus.  Þetta er jafnframt nýr bjór á flösku frá þeim og sæmir sér vel á meðal hinna fjögurra. Nørrebro Påske Bock er bara ansi ljúfur karl sem sæmir sér vel á páskaborðinu.