Þorra Kaldi er einn af fjórum Þorrabjórum Íslands þegar þetta er skrifað.  Stíllinn verður að teljast einsdæmi í heiminum þó svo að hann sé í raun tiltölulega nýr af nálinni.  Bjór þessi er bara nokkuð góður, hann er þó, líkt og aðrir íslenskir Þorrabjórar ekki nein nýjung heldur bara góður lager.  Í nefi má finna milda tóna af malti og léttum humlum sem klárlega eru af tékkneskum uppruna.  Ögn karamella lurir einnig með.  Í munni er um ferskan karl að ræða, lifandi og þægilegan.  Mildur með fínt jafnvægi malts og humla.  Fyrir opnihugaða má finna létta karamellutóna.  Fylling er góð og eftirbragð notalegt.  Já bara nokkuð nettur og þægilegur lager sem mætti vera á markaðnum allt árið um kring.  Hann býður þannig ekki upp á neitt sérstakt sem gæti átt við Þorrann.