Þegar þetta er skrifað er um glænýjan bjór að ræða frá Bruggsmiðjunni og öl í þokkabót en þeir hafa hingað til aðeins bruggað lager af tékkneskum pilsner stíl.  Sem fyrr nota þeir hina einkennandi Saaz humla en að auki íslenska ætihvönn í bruggið.  Talað er um að ætihvönn innihaldi efni sem hjálpað geta við stinngingsvanda karlmanna og þaðan er nafnið komið.  Bjórinn er fallegur í glasi með látlausa froðu, tær og glæsilegur.  Í nefi má hinna klassíska Saaz humla, ögn malt og svo blómlegan keim, ekki lakkrís eins og kannski mætti búast við frá hvönninni. Á tungu má finna talsvert malt en bitrir hreinir saaz humlarnir tvinnast vel saman við.  Fín fylling, gott maltað eftirbragð.  Dálítið sætt bragð sem skín í geng sem gæti verið hvönnin?  Annars mjög skemmtilegur bjór sem vert er að prófa.