Síðast smakkaði ég Páska Kalda 2008, hann var svo sem ekkert spes en samt fínn lager.  Í ár kemur bjórinn í mjög elegant umbúðum og manni langar virkilega að bjórinn sé góður.  Hann er fallegur í glasi, rafgullinn og nettur með létta fína froðu.  Þegar maður rekur nefið ofan í hann finnur maður fyrir humlum og svo eitthvað sem gæti minnt á púðursykur.  Í munni er þetta léttur, mildur og þægilegur lager með dálítinn ristaðan maltkeim.  Þægileg beiskja og meðalfylling.  Það er svo eftirbragðið sem toppar þetta allt, mjög notalegt og gott með snerti af ristuðu malti og karamellu.    Já bara hinn fínasti bjór hjá þeim Bruggsmiðjumönnum og gef ég honum 3 og hálfa krús.  Hálfa krúsin fær bjórinn einvörðungu fyrir eftirbragðið sem er afar þægilegt.