Mér hefur enn ekki hlotnast sá heiður að smakka hinn venjulega Jökul þegar þetta er skrifað.  Það bíður betri tíma.  Þorra Jökull er bruggaður af einu af 4 örbrugghúsum Íslands.  Tilefnið er Þorramánuður og þá væntanlega Þorrablót.  Þetta er fallegur bjór sem kemur úr sérlega skemmtilegri flösku.  Í nefi er sætur þægilegur maltkeimur og karamella. Hann er bragðmikill, með meðal fyllingu og léttur í kolsýru, mætti vera mun meiri fyrir minn smekk. Léttir humlar en þó nóg til að gera bjórinn dálítið lifandi vantar þó eitthvað. Sopinn leggst ekki alveg nægilega vel í munninn, það vantar einhvern stuðning? Sætt léttristað malt er áberandi og skapar fínu fyllingu svo er ögn karamella. Eftirbragð er stórgott og jafnvel besta upplifunin við þennan karl. Já allt í allt fínn íslenskur bjór og trúlega góður félagi súrmetis hverskonar.