Hoegaarden er belgískur hveitibjór eins og hann gerist hvað bestur en nafnið er komið frá smábænum Hoegaarden sem áður var vagga hins hvíta bjórs í Belgíu.  Með tilkomu Hoegaarden bjórsins í kringum 1960 var þessi magnaði stíll endurfæddur en bruggun hvítbjórs hafði þá legið niðri í um áratug.  Hoegaarden ilmar afskaplega vel með miklum sítruskeim og kryddi eða kóriander.  Á tungu er hann bragðmikill en mildur með létta fyllingu.  Í munni má finna frúttaðan og í senn kryddaðan keim með ögn sítrónu og kóríander og svo nokkurn gersvepp. Banani gæti líka gengið?  Það á svo við um þennan sem og aðra hveitibjóra að hann er óskaplega svalandi og rennur hratt og létt niður.  Magnaður "session" bjór yfir sumarið.  ATH - fæst aftur í ÁTVR frá 1. ágúst 2005.