Vá!  Eitt orð sem í raun væri nóg til að lýsa þessum bjór. Um er að ræða öflugan Imperial India Pale Ale frá hinu stóra dásamlega bjórríki Bandaríkjunum.  Þetta er 10% skrattakollur.  Gríðarlega tær í glasi, létt froða.  Hrúga af sætu malti, humlum og frúttuðu geri í nefi.  Ofsalega ljúfur keimur.  Í munni æðir sopinn um allt og fyllir upp í öll hólf og gólf með afskaplega öflugum humlum og tonn af malti og hnetum.  Það lurir svo einnig einhver sætur kannksi hunangskeimur innvafinn í beiska humlana.  Gríðarlega "þéttur" bjór með flókna og skemmtilega samsetingu.  10% áfengis finnur maður svo ekki nemað sem þægilegan hita í brjósti.  Þessi fíni karl verður að bætast í hóp uppáhalds bjóranna mína