Grolsch hinn hefðbundni hefur lengi verið einn þeim lager sem ég kann ágætlega að meta.  Grolsch Herfst Bok er hins vegar Bok af bestu gerð og ég er í raunn enn að jafna mig á þeirri undrun sem ég varð fyrir þegar ég smakkaði þennan kall.  Þetta er bara með betri bjórum sem ég hef smakkað verð ég að segja.  Hann ilmar frekar látlaust með léttum humlum en á tungu verður allt vitlaust.  Bragðið er öflugt og kitlandi gosið ítir undir ánægjuna.  Þetta er mjög sætur bjór en þó með afar stingandi humlum og ögn alkóhóli í restina.  Eignlega mætti segja að hér séu sætir humlar á ferð (sem er í raun afar skrítið) með smá karamellu? .  Bjórinn nær aldrei að verða væminn þökk sé 6.5 % sem læðast að manni í lok sopans og eftirbragðið er einfaldlega himneskt ummmmmm.  Þvílíkur sælkerabjór!