 Yeti
er líklega þekktasti bjór þeirra hjá Great Divide, eða amk
einn sá vinsælasti. Hann er svo til í ýmsum útgáfum. Um er að
ræða öflugan og ótrúlega notalegan bjór :) Bjórinn er af
gerðinni Imperial Stout (sterkur stout) og er kolsvartur sem
nóttin í glasi með brúna froðu sem myndar ca 1 cm lag á
svartri olíunni. Í nefi er mikill keimur, sæta áberandi,
súkkulaði, vanilla og líklega eitthvað sem minnir á
píputóbakið hans afa. Í munni er eins og lítil
höggbylgja renni yfir laukana með fullt af ljúfum skemmtilegum
tónum. Það er lítil beiskja en vel merkjanleg og tosar
létt í tunguna svo er fullt af sætu ljúfu malti og súkkulaði,
kannski einhver vanilla þarna líka. Fyllingin er góð og
eftirbragð dásamlegt. Eftir að hafa loksins smakkað þennan
skil ég vel vinsældir bjórsins. Yeti er einfaldlega eins
og imperial stout gerist bestur. Fullkominn!
|
Bandaríkin 
