Vetrarbjórinn frá Great Divide.  Magnað amerískt brugghús.  Þróttmiklir bjórar með karakter.  Þessi kemur í afar fallegum umbúðum, það er eitthvað við miðann sem algjörlega heillar mig.  Bjórinn sem er af gerðinni enskur aldinöl (old ale) er ofsalega fallegur í glasi dimmur með rauðum blæ og svo nettri froðu ofaná.  Í nefi er mikil sæta, vanilla og súkkulaði og eitthvað sem minnir á hnetur? Umm í munni er hann bragðmikill, gosríkur og flottur. Humlar taka þægilega á móti manni hvílandi á notalegum maltgrunni sem skapar dálitla sætu á móti. Finnst eins og jafnvel einhver kókos í bakgrunni og ögn súkkulaði. Það er þó ekki mikið sem minnir á jólin þannig séð þó vissulega sé súkkulaði og hnetur jólalegt. Samt sem áður ofsalega ljúfur bjór sem ég myndi kaupa helling af ef ég kæmist í hann aftur.