Þessi bjór er í rauninni pínu vonbrigði, en þó ekki hvað gæði varðar heldur frekar það að hér er bandarískur gæðabjór sem braðast eins og belgískur.  Hmm er ég að bulla dálítið?  Nei það sem ég á við er að þessi bjór bragðast fullkomlega eins og alvöru belgískur blond.  Það er svo sem markmiðið með þessum bjór en það er bara þannig hjá mér að vilji ég belgískan bjór, þá kaupi ég belgískan bjór...ekki t.d. bandarískan bjór bruggaðan að belgískri fyrirmynd.  Þeir fá samt lof fyrir gæði bjórsins, hið belgíska ger er greinilega alveg að virka.  Í nefi er ferskur gerkeimur, sætur og ávaxtaður með svona "perfumy" yfirbragð.  Í munni er um mög ljúfan bjór að ræða með mikinn kryddaðan og dálítið flókinn skrokk með geri og ilmvatni.  Já góður bjór en vantar þó þetta sérstaka "bandaríska" yfirbragð.