 Síðasti
bjór ársins 2009 er þessi flotti Belgi í boði móður minnar.
Ég hef ekkert nema
gott af
þessu brugghúsi að segja og breytist það ekki hér með.
Í glasi er gríðarleg froða, silkimjúk og djúsí. Í nefi
liggur hann léttur og ferskur með ögn sítrus og mjúkum humlum
og ylmvatni. Í munni er um mjög bragðmikinn bjór að
ræða, með talsvert mildara móti en búist var við. Jú jú
alvöru
tripel það leynir sér ekki en hann er þó mildari en t.d.
Westmalle
Tripel og ekki eins þurr og súr. Finna má milda
létta humla í fullkomnu jafnvægi við maltið sem gerir í raun
enn betur og gæðir bjórinn ögn sætum bak-og eftirkeim sem
gefur mjög skemmtilegan sykurkeim á tungu og góm, jafnvel smá
lakkrís í restina? Mjög ljúfur bjór og án efa góður
"byrjendatripel" ef svo má að orði komast! Góður einn og sér
eða jafnvel með einhverjum sterkum fiskrétt...umm t.d.
skötusel eða smálúðu! |
Belgía
