Þessi bjór er í nefi kryddaður með lakkrís, eplum og smá alkóhóli.  Svakalega mögnuð lykt! Í munn er hann frekar í léttari kantinum en samt með MASSA bragð sem einkennist af lakkrís en er einnig frekar kryddað.   Það er líka hægt að segja að þetta fína öl búi yfir smá olíufíling, sem má ekki taka sem slæman eiginleika.  Eftirbragð er lítið en gómurinn er eins og þakinn af ósköp notalegri dúnsæng.  Þetta öl er eitthvað sem getur töfrað fram hina fullkomnu jólastemningu svona rétt fyrir svefninn á Þorláksmessu.  Gæti trúað að piparkökur eigi vel við þennan andskota. 10.5 % koma manni svo vel inn í draumalandið!