Gose, sem nú fæst einungis í bænum Goslar og Leipzig í Þýskalandi, er ófiltreraður yfirgerjaður bjór (öl), bruggaður úr 50 - 60% hveitimalti sem gerir bjórinn ljósan, skýjaðan og afar ferskan.  Stundum eru notaðir í hann hafrar og ennfremur coriander og salt sem fyrr segir.  Rétt eins og hinn forni belgíski lambic, var gose látinn gerjast með hjálp villigers úr andrúmsloftinu en í dag er líklega notast við einangraða gerstofna.Þetta er gruggugur og mattur ljós bjór með dálitla froðu.  Í nefi eru léttir humlar, ögn mysukeimur og grape auk krydds.  Pínu frúttaður en ekki áberandi.  Í munni er hann léttur og mildur með létta fyllingu og lítið gos en þó nóg.  Bragð er erfitt að átta sig á en það er þessi þýski hveitikeimur með ögn sítrus í kinnum og svo jafnvel hnetur og snefil af humlum.   Svo er eitthvað aukabragð sem ég get ekki alveg áttað mig á, jafnvel fúkkabrag eða tunnubragð sem gæti stafað af saltinu?  Eftirbragð er svo milt með humluðu yfirbragði.  Í heild sinni svalandi og ferskur hveitibjór.